SANTAKUTZAK - ENSAIUAK

Aupa Gaztiak!

Huek dittuk/n tanborradako ensaio egunak:

- Apirilak 22, 19:00etan

- Apirilak 29, 19:00etan

- Apirilak 30, 19:00etan

- Maiatzak 2, JENERALA, 18:00etan

OSO INPORTANTIA AZALTZIA!!! (bastante gaixki jotzeiuta)

PD: ekitaldi hau gaztetxeko taldeko ta trapuzarrak taldeko jendiai zuzendua dek!!

Maiatzak 2ko AFAYA 21:00tan izangoa!!!

XXI. URTEMUGA

ALDAKETAK!!!

Gundestrak-eko baterijolea lesionatu indala eta, Gundestrak-en partez beste herriko talde batek jokoik: Children of the grave-ek!!!

XXI. URTEMUGA

Aupa gaztiak!!!

Danok dakigun bezela hurrengo ostiralian, apirilaren 23an, Zestuako Gaztetxian XXI. Urteurrena ospauko deu. Jaialdi honek honako egitaraua izangou:

- 18:00etan bideo emanaldia: "Euskal Jai Gaztetxea bizirik, hutsaren kronika"

- 19:30tan paella lehiaketarako prestaketak hasiko dira. Sua eta bonbonak gaztetxearen kontu. Kuadrila bakoitzak behar dituen adina tortila egin beharko ditu.

- 21:30tan aldez aurre prestatu ditugun tortilekin luntxa. Edaria gaztetxearen kontu. Luntxarekin batera, bideo muntai bat izango dugu ikusgai.

- 22:30tan Kontzertuak: Egurra Ta Kitto eta Gundestrak.

Animatu eta parte hartu!!!

Herri Bat, Gaztetxe Bat!!!

Zestuako Gazte Asanblada

ASANBLADA. XXI. URTEMUGA - SANTAKUTZAK!!!

Aupa Gaztiak!

Ostiral hontan, gaueko 21:30tan, asanblada ingoiu/ñau XXI. urteurrenan inguruan hitzeiteko. Gogorau urtemugan ospakizunak datorren ostiralean, apirilaren 23an izangoiala.

Urtemugaz gain, Santakutzak e bertan dazkaulata, puntu batzun gañian hitzein berra ziok/n.

Ostiral hontan ikusiko gealakuan,

EURRA EMAN TA GAIZTUAK IZAN!!!

Zestuako Gazte Asanblada

I. Bertsolari Gazteen Saioa

Bertso saioak oraindik ere ematen duela zer esana! Oraingo honetan saioaren inguruko balorazio edo kronika batekin gatozkizue.

Ikiarriya!

Ustet hitz honekin balorau genula zestuar danok gaztetxeko bertso sayua! Asteazkenetik sarrera guztiyak salduta, 130 sarrera, gaztetxia goraño beteta eongo zala jakiñekua zan! Bertsolayan kartelak e asko prometitze zun, ta nik uste sayuak beak etziyola inorri defraudau.

Hasieratik ikuste zan jendia bero bero inda zeola ta horrek, egiya esan, asko lagundu ziyoen bertsolayai, beayek bukautakuan esate zuen bezela, hola erreza dek bertsotan itia!

Sayua earki hasi zuen bertsolayak, beayen burua zestuko topaketetan jarriz, eta atxilotutako gazte hayei babesa emanez. Oso ondo baita eneritz ta aitzol e beayen buruak Pio Baroja ta bere amantian papelian jarrita. Halare, sayuan txispa Beñat-en ariketan piztu zan, argi erakutsi zun dakan erreztasuna bertsotan iteko, entrenadore papelian jarri ta bere ekipua osatzen, bata mozkorra, bestia gerriko minez...

Hortik aurrea dana bikain. Amuriza oso ondo bakarka emakumeen berdintasuna eskatuz, baita aitzol e, zestuko kirolaik onena Jon uria zela esan etzigun ba! Ekhi berriz jainkosan papelian ezin hobe, ta eneritz ta jone beti bezela bertsoak oso ondo osatuz.

Ezin ahaztu gure gai jartzailiak intzun papel ona ere, zorionak amaiur!!!
Egiya esan, antolatzailian aldetik holako beste bat montatzeko aitzakik ezteu falta!

Eskerrikasko bertan eontzinaten guztiyai, ta nola ez hirire bai nekane!

Hurrenarte!

Zestuako Gazte Asanblada

Sagardotegira Irteera

Oharra:

Martxoaren 27rako sagardotegira irteera antolatzeko asmoa zegoen. Baina jende nahikoa bildu ez dela eta, irteera bertan behera uztea erabaki dugu.

Barkatu eragozpenak,

Zestuako Gazte Asanblada

Droga Astea

Oharra:

Hasiera batean, aste honetarako drogaren inguruko lanketa bat geneukan prestatuta, baina barne arazoak direla medio, atzera botatzea erabaki dugu.

Barkatu eragozpenak,

Zestuako Gazte Asanblada

I. Bertsolari Gazteen Saioa

OHARRA:

Txartelak bukatzen ai dia! Batenbatek gogo bereziya baldin badaka bertso sayua ikusteko, altza ipurdi oyek eta Koiotea sarrerak erostea!

Egiya esan oso bertso sayo ona antolau diu, punta-puntako bertsolayakin. Ni zuek izan ezkeo, ya erosita eukiko nin txartela.

Animau!

Zestuako Gazte Asanblada

I. Bertsolari Gazteen Saioa

Datorren martxoaren 19an, San Jose egunez, I. Bertsolari Gazteen Saioa ospatuko da Zestoako Gaztetxean. Saioa, gaueko 22:30etan hasiko da. Sarrerak 5€ kostatuko dira eta Koiote tabernan egongo dira salgai. Mugatuak izango direnez, ahalik eta azkarren erostea komeni da!

6 bertsolari igoko dira oholtza gainera: Eneritz Arzalluz, Ekhi Erremundegi, Beñat Gaztelumendi, Jone Uria, Aitzol Barandiaran eta Miren Amuriza. Beraz, aseguratuta dago saio bikaina izango dela!

Animatu eta parte hartu!

Zestuako Gazte Asanblada

Oharra!

Martxoaren 12ko afari feminista

Kalean gaizki ulertuak egon direla entzun dugu, jendeak afaria emakumeentzat bakarrik dela uste du. Gaizki ulertu honen harira, esan nahi dugu, afaria feminista guztientzat dela, emakume zein gizonentzat. Oraindik txartelak erosteko aukera dago. Lehenbailehen erosi!

Zestoako Emakume Taldea

Sagardotegira Irteera

Zestoako Gazte Asanbladak sagardotegira irteera antolatu du martxoaren 27rako. Komeni da jendeak ahalik eta azkarren eros dezala txartela, autobusa beteko dugun ikusten joateko. Txartelak ohiko tabernatan egongo dira salgai 10€ren truke.

Animatu eta parte hartu!!!

Zestoako Gazte Asanblada

Bideo emanaldia Kultur Etxean

Aurreko astean kultur etxean okupazio arazoak izan genituela eta, bideoa eman gabe geratu behar izan genuen. Ondorioz, aste honetan ematea erabaki genuen, ostiralean arratsaldeko 19:00etan.

Bideoa, dokumental bat da. Bertan, Israelek Gazan egin zuen sarraskiaren berri ematen digu, irudi bereziak emanez. Nahiko dokumental gogorra dela esan genezake, ongi islatzen baitu zein izan zen sarraski hartako egoera.

Israeli boikot!!! Palestina aurrera!!!

Animatu eta parte hartu!

Zestoako Gazte Asanblada eta Palestinaren Lagunak

Bideo emanaldia Kultur Etxean

Bideo emanaldia

" To Shoot An Elephnat "
2010eko urtarrilaren 18an urte bat beteko da Israelek Gaza
bonbardatzeari utzi zionetik. Eraso horrek 2008ko abenduaren 27tik
2009ko urtarrilaren 18ra bitarte iraun zuen eta 1.412 palestinar akabatu
zituen. “To Shoot An Elephant” (TSAE) izeneko dokumentalak Gazako
zerrendatik bertatik kontatzen du egun horietan gertatutakoa.
Bonbardaketen narrazio zuzena eta pribilegiatua izanik, dokumentalak
Israelen propagandari eta nazioarteko isiltasunari aurre egiteko tresna
izan nahi du.

Populazio zibilaren lekukotasuna den aldetik, bertan gertatutakoa
kontatzeko egiazko materiala dugu TSAE. Mass Mediak ezkutatutako
hori erakusten digun irudi ordezkaezina da, sionisten kontrolaren
menpe bizi direnen soinu-banda pribilegiatua... Errealitatearen zati
horrek erakusten digu nolakoa den bizimodua irteteko aukerarik
ematen ez duen gerra batean.

Animatu eta parte hartu!!!

Karnabalak 10

KARNABALAK 10

Jakingo zuen bezela hurrengo larubatian, otsailak 13an, karnabalak ospaukoittugu Zestuan. Horren harira, Gazte Asanbladak hainbat ekimen antolai dittu:
21:00tan AFARI-TXOTXA Gaztetxean. Txotxa +postrea 3€ izangoa. Afaria nor beak beria ekarri berkou.

Ondoren, HELDUEN DESFILEA eongoa. 00:45etan izen ematea hasiko da. Jendiak bere mozorroarekin bat datorren musika eramateko aukera izangou, bestela guk DJ bat ere izangodeu. 01:00etan hasikoa desfilia. Desfilia udaletxe azpian izangoa.

Animatu eta parte hartu!!!

Zestoako Gazte Asanblada

Kontziertuak Gaztetxian

Ostiral honetan, urtarrilaren 29an, The Last Fight talde Zestoarraren eta Aldexok Axkoitiko taldearen kontzertuak izango dira Zestoako Gaztetxean. Kontzertuok, gaueko 22:00etan hasiko dira eta sarrera 3€takoa izango da.

Animatu eta parte hartu!

Herria Topatu, Herria Mugitu!

Asanblada!!!

Datorren ostiralian, urtarrilaren 22an, gaueko 21:30tan asanblada ingoiu/ñau. Idea berri batzun inguruan jardungoiu/ñau, oso oso interesgarriyak dianak. Karnabalake gertu zazkau/nau ta... gauzak zehazten jutia komeni dek/n.

Danok bertan ikusiko gealakuan,

Animo gaztiak! Garaipena gurea da!

Animatu eta parte hartu!

Herria Topatu, Herria Mugitu!!!

Zestoako Gazte Asanblada

Zestoako Gazte Topaketak

Burutu ditugu bai topaketak, eta ederki burutu ere. Eztabaidaz eta giro onez beteak joan dira topaketak. 29 goizean bildu ginen, eta sarrerako aurkezpentxo bat egin ostean, eztabaidei ekin genien. Lehenengo eguneko eztabaiden helburua garbia zen: sistemari pitzadurak identifikatzea.
Eta goizeko eztabaiden ondoren, aisialdiari eman genion paso. Jendeari nahi zuena egitea utzi zitzaion, eta gabonak zirela eta, kartetan jokatzeari eman zitzaion.Bigarren eguna ere eztabaidekin hasi genuen. Oraingo honetan, ordea, behin pitzadurak identifikatu ostean, alternatibak eraikitzeko saiakerari ekin genion.Eta topaketak modu onean bukatzeko bazkari bat egin genuen. Ondoren, gure "artistak" mural bat pintatu zuen eta amaitzeko gure beste "artistak" monologo bat aurkeztu zigun. Hori duk artista pilla daukaguna!!!

Eta horixe izan zen guztia. Eztabaidak bai, baina aisialdia ere bai. Ideiez eta ametsez beteriko saioak izan ziren, etorkizuna eraikitzeko asko lagunduko digutenak.

Mila esker topaketetara hurbildu zineten guztioi!

Herria Topatu, Herria Mugitu!!!